Pastre di mountagno,
La Divinita
A pres pèr coumpagno
Vosto umanita
Soun dins la persouno
D'un pichot garçoun
Que soun paire douno
Pèr vosto rançou
2.
La troupo fidèlo
A pres grand plesi
D'ausi la nouvello
Que l'ange i'a di
An peno de crèire
Qu'acò sié verai,
Volon l'ana vèire
Aqui vounte jais
3.
Lou pu vièi di pastre
E lou pu savènt
Counsulto lis astre
Se fara bèu temps
Dis qu'en luno pleno
Fai toujour tèms dre
E quand l'auro meno
Dis que fai bèn fre
4.
uilhaume s'abiho
Viestis soun jargau
E dis à sa fiho
Istas à l'houstau
Debanas la sedo
Gardas lou troupèu
Mousès vosti fedo
Largas lis agnèu
5.
Se vestas sa femo !
Gounflo coume un blou
Jito de lagremo
Grosso coume d'iou !
Es descounsoulado
Quand noun pou ana
Veire l'Acouchado
E l'Enfant qu'es na
6.
Lis àutri pastouro,
Deman de-matin
Viron li sèt ouro
Saran pèr camin
Crese que si mouflo
Ié faran pas mau
Car lou vènt que souflo
N'es pas gaire caud
